Pagkatapos ng blockbuster romantic-comedy movie na “Kita Kita” noong 2017 na pinagtambalan sa kauna-unahang pagkakataon nina Alessandra de Rossi at Empoy Marquez, pinatunayan ng dalawa na hindi matatawaran ang kanilang on screen chemistry.
Para kay Alessandra at Empoy, “May 4 Ever” ang kanilang love team. Dahil hindi lang sa big screen mapapanood ang kanilang nakakakilig at nakakatuwang tambalan, dahil magkakaroon na sila ng programa sa NET25.
Pumirma na ng kontrata last Tuesday, September 19 sina Alessandra at Empoy para sa gagawing proyekto sa nasabing network.
Present sa signing ceremony si NET25’s President Caesar Vallejos at NET25’s consultant Wilma Galvante.
Sobrang excited naman si Alex (tawag kay Alessandra) sa proyektong ito with NET25 at makasama ang ibang cast.
Sinabi ni Alex at Empoy na siguradong ma-eenjoy ng kanilang supporters at ng netizens gagawin nilang sitcom.
Makakasama nina Alessandra at Empoy sa pinakabagong romantic-comedy sitcom ng NET25 sina Michelle Vito, Tj Valderama, Anthony Ocampo, Drei Arias, Zach Francisco at Vangie Labalan.
Nagpasalamat naman sina Alex at Empoy sa management ng NET25 dahil sa tiwala na ibinigay sa kanilang dalawa.
